بابو صابو انٹرچینج: ٹرانسپورٹرز کی ہڑتال، شہر میں آنے والی ٹریفک کیلئے راستہ کھول دیا گیا

لاہور میں ٹرانسپورٹرز کی ہڑتال جاری ہے، بابو صابو انٹرچینج پر شہر میں آنے والی ٹریفک کے لیے راستہ کھول دیا گیا لیکن باہر جانے والا ٹریک بدستور بند ہے۔

چیئرمین ٹرانسپوٹرز ایکشن کمیٹی عصمت اللّٰہ نیازی نے کہا کہ مظاہرین اور پولیس کے درمیان مذاکرات جزوی طور پر کامیاب ہوگئے ہیں۔

ان کا کہنا تھا کہ کار، ٹرک اور ایمبولینس وغیرہ کو موٹر وے پر جانے کی اجازت ہوگی۔

انہوں نے کہا کہ کسی قسم کی پبلک ٹرانسپورٹ کو جانے کی اجازت نہیں۔

انہوں نے مزید کہا کہ ٹرانسپورٹرز کا دھرنا جاری ہے، انسانی ہمدردی کے لیے راستہ جزوی طور پر کھولا ہے۔

بشکریہ جنگ