بدھ14؍شوال المکرم 1442ھ26؍مئی 2021ء

بابر اعظم نے ایک اور اعزاز اپنے نام کرلیا

قومی کرکٹ ٹیم کے کپتان بابر اعظم جنوبی افریقی سرزمین پر اسی کیخلاف ایک ہی دورے میں ون ڈے اور ٹی 20 سیریز اپنے نام کرنے والے پہلے ایشیائی کپتان بن گئے۔

بابراعظم کی قیادت میں پاکستان نے جنوبی افریقا کو اسی کی سرزمین پر تین میچوں پر مشتمل ون ڈے سیریز جبکہ چار میچوں پر مشتمل ٹی 20 سیریز اپنے نام کی۔

پاکستان نے جنوبی افریقا کے خلاف پہلا ون ڈے انٹرنیشنل میچ 2اپریل کو کھیلا جس میں گرین شرٹس نے 3 وکٹ سے کامیابی حاصل کی۔ سیریز کا دوسرا میچ میزبان ٹیم جبکہ تیسرا میچ پاکستان نے جیت کر سیریز جیتی۔

بابر اعظم کی قیادت میں پاکستان نے جنوبی افریقا کو ون ڈے کے بعد ٹی ٹوئنٹی سیریز میں بھی تین ایک سے شکست دی۔

پاکستان کے اس دورے کی دلچسپ بات یہ تھی کہ قومی ٹیم نے ون ڈے اور ٹی ٹوئنٹی دونوں سیریز کے پہلے اور آخری میچز جیتے جبکہ دونوں سیریز کے دوسرے میچ ہارے۔

بشکریہ جنگ
You might also like

Comments are closed.