ایم کیو ایم کارکن کے جنازے میں دوران ڈیوٹی ایس ایس پی سینٹرل کے گن مین کا انتقال

متحدہ قومی موومنٹ (ایم کیو ایم) پاکستان کے کارکن کی نماز جنازہ میں ڈیوٹی کے دوران ایس ایس پی سینٹرل کا گن مین دل کا دورہ پڑنے سے انتقال کرگیا۔

ترجمان پولیس کا کہنا ہے کہ ایس ایس پی سینٹرل کا گن مین کانسٹیبل دل کا دورہ پڑنے سے انتقال کرگیا۔

حکام نے دعوی کیا ہے کہ پولیس ایکشن کے وقت اسلم وزیر اعلی ہاؤس پر نہیں بلکہ پریس کلب پر موجود تھا۔

پولیس کا کہنا ہے کہ محمد اسلم کی نماز جنازہ کے وقت کانسٹیبل اکبر ایس ایس پی سینٹرل کے ساتھ شارع پاکستان پر تھا۔

ترجمان پولیس کا کہنا ہے کہ کانسٹیبل اکبر کو سینے میں تکلیف پر قریبی نجی اسپتال لے جایا گیا تھا تاہم وہ جانبر نہ ہوسکا۔

بشکریہ جنگ