ایف اے ٹی ایف کا پاکستان کو ایک بار پھر گرے لسٹ میں رکھنے کا فیصلہ

‏پیرس: فنانشل ایکشن ٹاسک فورس (فیٹف) نے پاکستان کو ایک بار پھر اگلے سیشن تک گرے لسٹ میں رکھنے کا فیصلہ کرلیا ہے۔

میڈیا رپورٹس کے مطابق ایف اے ٹی ایف کا تین روزہ اجلاس پیرس میں فیٹف  کے صدر مارکس پلیئر کی زیر صدارت منعقد ہوا،  جس میں ترکی، اردن اور مالی کو ایف اے ٹی ایف کی گرے لسٹ میں شامل کر دیا گیا ہے جبکہ بوٹسوانا اور ماریشش فٹیف کی گرے لسٹ سے نکل گئے ہیں۔

فٹیف کے صدر کا کہنا تھا کہ پاکستان نے کئی اقدامات  کیے ہیں لیکن مزید اقدامات کی ضرورت ہے، پاکستان سے متعلق فیصلہ اتفاق رائے سے کیا ہے،پاکستان نےنئےایکشن پلان پربہترعملدرآمدکیا۔

مارکس پلیئر نے مزید کہا کہ  پاکستان میں مانیٹرنگ کانظام بہترہواہے،پاکستان نے ایشیا پیسفک گروپ کے 34میں سے 30اہداف پر عمل کیا ہے،پاکستان کو اینٹی منی لانڈرنگ قوانین پر عملدرآمد مزید بہتر بنانا ہوگا۔