اگست تک زرمبادلہ ذخائر 2.8 ارب ڈالر بڑھ جائیں گے، رضا باقر

گورنر اسٹیٹ بینک رضا باقر نے کہا ہے کہ اگست تک زرمبادلہ ذخائر 2.8 ارب ڈالر بڑھ جائیں گے۔

کراچی میں پریس کانفرنس کرتے ہوئے گورنر اسٹیٹ بینک رضا باقر نے مانیٹری پالیسی کا اعلان کیا۔

گورنر سندھ کا کہنا ہے کہ زرمبادلہ ذخائر آئی ایم ایف سے ایس ڈی آر کی اضافی رقوم ملنے پر بڑھیں گے۔

گورنر اسٹیٹ بینک نے کہا کہ پالیسی ریٹ مہنگائی کی شرح سے کم ہے، معاشی ماہر اسے منفی شرح سود کہتے ہیں، تاہم حقیقی شرح سود منفی رکھنے کا سبب نمو پر توجہ ہے۔

انہوں نے کہا کہ رواں مالی سال 20 ارب ڈالر بیرونی فنانسنگ کی ضرورت پوری ہونےکی توقعات ہیں۔

گورنر اسٹیٹ بینک توقع ظاہر کی کہ مالی سال 2022 میں پاکستان کی بیرونی قرضوں کی 20 ارب ڈالر ضرورت پوری ہوجائے گی۔

بشکریہ جنگ