آسٹریلیا، نیوزی لینڈ کا کابل سے انخلاء ختم

امریکی میڈیا نے بتایا ہے کہ آسٹریلیا اور نیوزی لینڈ نے افغانستان کے دارالحکومت کابل کے ایئر پورٹ سے اپنے شہریوں کا انخلاء ختم کر دیا۔

امریکی میڈیا کے مطابق نیوزی لینڈ کی انخلاء کے لیے آخری پرواز کابل ایئر پورٹ پر ہوئے حملے سے قبل روانہ ہوئی تھی۔

پڑوسی ملک افغانستان کے دارالحکومت کابل کے ایئر پورٹ پر گزشتہ روز ہونے والے 3 دھماکوں میں ہلاک ہونے والے افراد کی تعداد 90 ہو گئی، جبکہ 150 سے زائد افراد زخمی ہوئے ہیں۔

اس حوالے سے نیوزی لینڈ کی وزیرِ اعظم جیسنڈرا آرڈرن نے جاری کیئے گئے ایک بیان میں کہا ہے کہ افغانستان سے انخلاء کے لیے مزید پروازیں نہیں چلائی جائیں گی۔

واضح رہے کہ پڑوسی ملک افغانستان کے دارالحکومت کابل کے ایئر پورٹ پر گزشتہ روز ہوئے 3 دھماکوں میں ہلاک ہونے والے افراد کی تعداد 90 ہو چکی ہے، جبکہ واقعے میں 150 سے زائد افراد زخمی ہوئے ہیں۔

ایک طالبان عہدے دار کا کہنا ہے کہ گزشتہ روز کابل ایئر پورٹ پر ہونے والے 3 دھماکوں میں کم از کم 28 طالبان ہلاک ہوئے۔

ہلاک اور زخمی ہونے والے افراد میں بڑی تعداد میں وہ لوگ شامل ہیں جو افغانستان سے جانا چاہتے تھے اور اسی لیئے کابل ایئر پورٹ پر موجود تھے۔

بشکریہ جنگ