انٹرسٹی پبلک ٹرانسپورٹ پر پابندی کے فیصلے کی خلاف ورزیوں پر جرمانے

سندھ میں انٹرسٹی پبلک ٹرانسپورٹ پر پابندی کے فیصلے کی خلاف ورزی پر محکمہ ٹرانسپورٹ نے 50 ہزار سے زائد روپے کے جرمانے عائد کردیے۔

وزیرٹرانسپورٹ کے مطابق کراچی، سکھر، لاڑکانہ، بدین، شکارپور، نوابشاہ،خیرپور میں 15 مسافر گاڑیاں تحویل میں لیں،تحویل میں لی گئی مسافر گاڑیوں پر 50 ہزارسےزائد جرمانہ عائد کیا گیا۔

سندھ میں تعلیمی ادارے، سرکاری دفاتر اور انٹرسٹی پبلک ٹرانسپورٹ بند کرنے کا فیصلہ کیا گیا ہے۔

وزیرٹرانسپورٹ اویس قادر شاہ نے کہا کہ صوبے بھرمیں پابندی اور ایس او پیز کی خلاف ورزی پر ٹرانسپورٹرز کیخلاف کارروائیاں جاری ہیں۔

بشکریہ جنگ