انعام بٹ نے بیچ ریسلنگ ورلڈ سیریز میں بھی گولڈمیڈل جیت لیا

پاکستانی پہلوان انعام بٹ نے بیچ ریسلنگ ورلڈ سیریز جیت کر پاکستان کے لیے ایک اور سونے کا تمغہ حاصل کرلیا۔ 

پہلوان انعام بٹ نے فائنل مقابلے میں آذربائیجان کے پہلوان کے خلاف کامیابی حاصل کی۔

تین منٹ کی اس سنسنی خیز فائٹ میں مقابلہ 2، 2 سے برابر تھا، تاہم آخری پوائنٹ انعام بٹ نے حاصل کیا جس کی بنیاد پر وہ فاتح قرار پائے۔

اس سے قبل انعام بٹ نے یوکرائن کے پہلوان کو 1-3 سے شکست دے کر فائنل کے لیے کوالیفائی کیا تھا۔

ایونٹ کے دوسرے سیمی فائنل میں پاکستان کے زمان انور کو جارجیا کے پہلوان نے 0-1 سے ہرایا۔

بشکریہ جنگ