امریکا: ہوم لینڈ سیکیورٹی کے دو عہدیداروں پر چین کے لیے جاسوسی کا الزام

امریکا کے محکمہ ہوم لینڈ سیکیورٹی میں کام کرنے والے دو عہدیداروںپر چین کے لیے جاسوسی کرنے کا الزام عائد کیا گیا ہے۔

قانون نافذ کرنے والے اداروں کے مطابق دونوں عہدیدار امریکا میں مقیم چین کے ناراض شہریوں کی چینی حکومت کی ایما پر جاسوسی کر رہے تھے۔

کریگ ملر ہوم لینڈ سیکیورٹی میں 15 برس سے ڈیپورٹیشن افسر تھا، ڈیرک ٹیلر اسی محکمے کا سابق ایجنٹ ہے جو اب کیلیفورنیا میں پرائیویٹ تفتیش کار کے طور پر کام کر رہا ہے۔ 

نیشنل سیکیورٹی کے اسسٹنٹ اٹارنی جنرل میتھیو اولسن نے کہا کہ ملزمان نے امریکا میں پناہ لینے والے ناراض شہریوں کی آواز دبانے کے لیے ایک غیر ملکی حکومت کی مدد کی۔

بشکریہ جنگ