امریکا میں ٹینس ایونٹس مس کرنے کا افسوس نہیں، نواک جوکووچ

سربین ٹینس اسٹار نواک جوکووچ نے کہا ہے کہ کورونا ویکسینیشن کے باعث امریکا میں ٹینس ایونٹس مس کرنے کا افسوس نہیں۔

امریکی میڈیا سے گفتگو کرتے ہوئے نواک جوکووچ نے کہا کہ انڈین ویلز اور میامی اوپن ٹورنامنٹس چھوڑ دیے، امید ہے کہ یو ایس اوپن کے لیے اجازت دے دی جائے گی۔

ٹینس اسٹار کا کہنا ہے کہ امید ہے امریکا ویکسینیشن سے متعلق پالیسی رواں سال تبدیل کرے گا، یو ایس اوپن میرے لیے بہت اہم ٹورنامنٹ ہے۔

ٹینس اسٹار نواک جوکووچ انڈین ویلز ماسٹرز ٹورنامنٹ سے دستبردار ہو گئے۔

انہوں نے کہا کہ زندگی میں سیکھا ہے کہ افسوس کرنے سے آپ پیچھے رہ جاتے ہیں۔

نواک جوکووچ کا کہنا ہے کہ افسوس آپ کو ماضی میں رکھتا ہے میں ایسا نہیں چاہتا، میں مستقبل میں بھی نہیں رہنا چاہتا، حال میں جینا چاہتا ہوں۔

بشکریہ جنگ