افغان وفد کی ماسکو میں روسی وزیر خارجہ سے ملاقات

امارات اسلامی افغانستان کے ایک وفد نے ماسکو میں روسی وزیر خارجہ سرگئی لاروف سے ملاقات کی۔

ترجمان افغان وزارت خارجہ کے مطابق فریقین نے دوطرفہ تعلقات اور خطے میں استحکام پر تبادلہ خیال کیا۔

روس نے افغان فریق کو مستقبل میں تعاون کی یقین دہانی بھی کرائی۔

دریں اثناء روسی وزیرخارجہ سرگئی لاروف نے ماسکو میں افغانستان سے متعلق اجلاس کا افتتاح کردیا۔ ان کا کہنا تھا کہ افغانستان کو مستحکم کرنے کی طالبان کی کوششوں کو تسلیم کرتے ہیں۔

بشکریہ جنگ