اسٹاک مارکیٹ میں مندی، 100 انڈیکس میں 149 پوائنٹس کی کمی

پاکستان اسٹاک ایکسچینج (پی ایس ایکس) میں جمعرات کو کاروبار کا منفی دن رہا، 100 انڈیکس میں 149 پوائنٹس کی کمی دیکھنے میں آئی۔  

پاکستانی شیئرز بازار کے 100 انڈیکس نے 300 پوائنٹس کے بینڈ میں کاروبار کرنے کے بعد 149 پوائنٹس کی کمی سے 47 ہزار 640 پر کاروبار کا اختتام کیا۔

انٹربینک تبادلہ مارکیٹ میں کاروبار کے اختتام پر ڈالر کی قدر 24 پیسے کم ہو کر 163 روپے 22 پیسے ہے۔

حصص بازار میں آج 54 کروڑ شیئرز کے سودے ہوئے جن کی مالیت 15 ارب 37 کروڑ روپے رہی۔

اسی طرح مارکیٹ کیپٹلائزیشن کاروباری دن میں سات ارب روپے کم ہو کر آٹھ ہزار 364 ارب روپے ہوگئی ہے۔

بشکریہ جنگ