اسرائیل، متنازع بل کے خلاف احتجاج شدت اختیار کر گیا

اسرائیل میں عدالتی اصلاحات کے متنازع حکومتی بل کے خلاف احتجاج شدت اختیار کر گیا، تل ابیب میں ہزاروں افراد سڑکوں پر نکل آئے ہیں، مظاہرین حکومت سے متنازع بل واپس لینے کا مطالبہ کررہے ہیں۔

رپورٹس کے مطابق اپوزیشن جماعتیں، اسرائیلی فوجی رضاکار اور جوہری سائنسدان بھی احتجاج میں شامل ہیں۔

ترمیمی بل کے حق میں حکومتی اتحاد کے 64 اراکین نے ووٹ دیا جبکہ اپوزیشن نے بائیکاٹ کیا۔

اسرائیلی پارلیمنٹ نے 24 جولائی کو عدالتی اصلاحات کا متنازع بل منظور کیا تھا جس کے خلاف اپیلوں کی سماعت ستمبر میں اسرائیلی سپریم کورٹ میں ہوگی۔

متنازع بل کی منظوری سے حکومت کے غیرمعقول فیصلوں کو کالعدم کرنے کے عدالتی اختیارات ختم ہوجائیں گے۔

بشکریہ جنگ