ارشد شریف قتل کے بعد کینیا میں شوٹنگ سائٹ بند

صحافی و اینکر ارشد شریف کے قتل کیس کے بعد کینیا میں شوٹنگ سائٹ پر تمام آپریشنز بند کردیئے گئے۔

ایموڈمپ پر عملے کے چند افراد رہ گئے ہیں جبکہ سائٹ کو تحقیقات کیلئے بند کیا گیا ہے۔

ارشد شریف کے قتل کے بعد امریکی سیکیورٹی فرم، پولیس اتھارٹی اور متعدد کمپنیوں نے شوٹنگ سائٹ سے معاہدے ختم کردیئے ہیں۔

صحافی و اینکر ارشد شریف کے کینیا میں ہوئے قتل کے کیس میں ’جیو نیوز‘ کی ٹیم نے مزید حقائق سے پردہ اٹھا دیا۔

مگادی میں واقع شوٹنگ سائٹ پر ارشد شریف نے زندگی کے آخری لمحات گزارے تھے۔ 

شوٹنگ سائٹ کراچی سے تعلق رکھنے والے دو بھائی وقار احمد اور خرم احمد کی ملکیت ہے۔

رپورٹس کے مطابق دونوں بھائیوں کے کاروباری امور دیکھنے والے شخص کا کہنا ہے کہ شوٹنگ سائٹ جلد کھل جائے گی۔

بشکریہ جنگ