اداروں پر حملے عمران خان کا وتیرہ ہے، محسن شاہنواز رانجھا

مسلم لیگ (ن) کے رہنما محسن شاہنواز رانجھا نے کہا ہے کہ اداروں پر حملے کرنا عمران خان کا وتیرہ ہے۔

اسلام آباد میں پریس کانفرنس کے دوران محسن شاہنواز رانجھا نے کہا کہ عمران خان کو ملک میں آگ لگانے کے باوجود اجتماعی ریلیف دے دیا جاتا ہے۔

سابق وزیراعظم اور مسلم لیگ (ق) کے صدر چوہدری شجاعت حسین نے کہا ہے کہ پاکستان میں کچھ لوگوں کی ضد اور انا ملک سے بھی بڑی ہوگئی ہے۔

انہوں نے کہا کہ عمران خان انوکھا لاڈلہ ہے، جس نے ملک میں انتشار اور جلاؤ گھیراؤ کی سیاست کو فروغ دیا ہے۔

ن لیگی رہنما نے مزید کہا کہ پی ٹی آئی کے شرپسندوں نے شہداء کی یادگاروں کی بےحرمتی کی، عمران خان کی انتشار کی سیاست کا خمیازہ عوام بھگت رہے ہیں۔

اُن کا کہنا تھا کہ ہم عدلیہ کے احترام پر یقین رکھتے ہیں، کسی کو پارلیمان کے اختیارات میں مداخلت کا حق نہیں۔

بشکریہ جنگ