کیمرے لگا کر سلطنت شغلیہ نے ایوان بالا کی تضحیک کی، عظمیٰ بخاری

مسلم لیگ (ن) پنجاب کی ترجمان عظمیٰ بخاری کا سینیٹ پولنگ بوتھ میں کیمروں کی موجودگی پر کہنا ہے کہ سینیٹ کے پولنگ بوتھ میں کیمرے لگا کر سلطنت شغلیہ نے ایوان بالا کی تضحیک کی ہے۔

 عظمیٰ بخاری نے پاکستان تحریک انصاف کی رہنما ڈاکٹر فردوس عاشق کے بیان پر رد عمل دیتے ہوئے کہا  ہے کہ جس شخص کو اپنے سینیٹرز پر اعتماد نہیں قوم اس پر اعتماد کیسے کرسکتی ہے؟ چیئرمین سینیٹ کا الیکشن، عمران خان بیگانی شادی میں عبداللّٰہ دیوانہ کے مترادف ہیں۔

 عظمیٰ بخاری نے کہا ہے کہ خود کو طاقتور وزیراعظم کہنے والا اپنا چیئرمین کھڑا کرسکتاہے نہ اپنا ڈپٹی چیئرمین۔

پاکستان تحریکِ انصاف (پی ٹی آئی) کے رہنما و سینیٹر فیصل جاوید خان کا کہنا ہے کہ سینیٹ اجلاس میں ایوان کے اندر پولنگ بوتھ کے اندر کیمروں کے سامنے آنے پر کہنا ہے کہ کیمرہ جس نے ڈھونڈا ہے اس نے لگایا ہے۔

وفاقی وزیر برائے سائنس و ٹیکنالوجی فواد چوہدری نے سینیٹ اجلاس میں ایوان کے اندر اپوزیشن کے پولنگ بوتھ کے اندر کیمروں پر احتجاج پر ردعمل دیتے ہوئے کہا کہ یہ کیمرے کوئی سنجیدہ معاملہ نہیں ہے۔

انہوں نے مزید کہا کہ وزیر اعظم عمران خان نے چیئر مین بی این پی اور ڈپٹی چیئرمین ن لیگ سے ادھار لیا، لوٹے ہمیشہ لوٹے ہی رہتے ہیں یہ کبھی سونے کے چمچے نہیں بن سکتے۔

سینیٹ اجلاس میں ایوان کے اندر اپوزیشن نے احتجاج کیا، مصدق ملک اور مصطفیٰ نواز کھوکھر نے کہا کہ پولنگ بوتھ کے اندر دو کیمرے لگے ہوئے ہیں، اپوزیشن ارکان نے پولنگ بوتھ اکھاڑ کر سیکریٹری سینیٹ کی نشست پر رکھ دیا۔

 عظمیٰ بخاری کا اپنے بیان میں مزید کہنا تھا کہ آج یوسف رضاگیلانی اور عبدالغفور حیدری کی فتح کا دن ہے۔

بشکریہ جنگ