بدھ4؍ رجب المرجب 1442ھ 17؍فروری 2021ء

کراچی کی فضا میں آلودہ ذرات کی مقدار معتدل درجے پر

کراچی کی فضا میں آلودہ ذرات کی مقدار آج بھی معتدل درجے پر برقرار ہیں۔

ایئر کوالٹی انڈیکس کی جانب سے جاری کردہ رپورٹ کے مطابق کراچی کی فضاؤں میں آج آلودہ ذرات کی مقدار 95 پرٹیکیولیٹ میٹرز ریکارڈ کی گئی ہے۔

دنیا بھر میں آلودگی کے لحاظ سے آج لاہور دوسرے نمبر پر ہے، لاہور کی فضاؤں میں آج آلودہ ذرات کی مقدار 229 پرٹیکیولیٹ میٹرز ریکارڈ کی گئی ہے۔

آج کراچی کی فضا مضرِ صحت ہے، ایئر کوالٹی انڈیکس کے مطابق آج کراچی آلودگی کے اعتبار سے دنیا کے آلودہ ترین شہروں کی فہرست میں 9ویں نمبر پر رہا۔

 ایئرکوالٹی انڈیکس کے مطابق آلودہ ترین شہروں میں بھارت کا شہر دہلی پہلے اور ڈھاکہ تیسرے نمبر پر ہے۔

درجہ بندی کے مطابق 151سے 200 درجے تک آلودگی مضر صحت ہے جبکہ 201 سے 300 درجے تک آلودگی انتہائی مضر صحت ہوتی ہے۔

ایئرکوالٹی انڈیکس کے مطابق 301 سےزائددرجہ خطرناک آلودگی کو ظاہر کرتا ہے۔

بشکریہ جنگ
You might also like

Comments are closed.