جمعہ20؍ رجب المرجب 1442ھ 5؍مارچ2021ء

ٹرمپ کے خلاف دوسرے مؤاخذے کی کارروائی آج شروع ہوگی

امریکا کے سابق صدر ڈونلڈ ٹرمپ کے خلاف دوسرے مؤاخذے کی کارروائی آج ہوگی، یاد رہے کہ ٹرمپ پر کیپٹل ہل حملے میں مظاہرین کو اُکسانے کا الزام ہے۔

سزا کے لیے ٹرمپ کے خلاف سینیٹ میں دو تہائی اکثریت درکار ہوگی، اور  الزام ثابت ہونے پر ٹرمپ دوبارہ کبھی امریکی صدارت کا الیکشن نہیں لڑسکیں گے۔

امریکی سینیٹ میں آج سابق صدر ٹرمپ کے خلاف مؤاخذے کی کارروائی کا آغاز ہوگا، چھ جنوری کو امریکی پارلیمنٹ پر ٹرمپ کے حامیوں کے حملے میں ٹرمپ کے کردار پر ایوان نمائندگان نے 13 جنوری کو سابق صدر ٹرمپ کے خلاف مؤاخذے کی تحریک منظور کی تھی۔

ٹرمپ کو سزا دینے کے لیے سینیٹ کے دو تہائی ارکان کی حمایت درکار ہوگی۔ موجودہ سینیٹ میں ٹرمپ کی ری پبلیکن پارٹی اور حکومتی ڈیموکریٹک پارٹی کے پچاس، پچاس ارکان ہیں۔

امریکی تاریخ میں پہلی بار کسی سابق صدر کے مواخذے کی کارروائی ان کے عہدے کی مدت ختم ہونے کے بعد ہو رہی ہے۔

بشکریہ جنگ
You might also like

Comments are closed.