بدھ29؍رمضان المبارک 1442ھ12؍مئی 2021ء

ویسٹ انڈیز نے بنگلا دیش کو پہلے ٹیسٹ میں شکست دیدی

ویسٹ انڈیز اور بنگلا دیش کے درمیان کھیلے گئے پہلے ٹیسٹ میچ میں کالی آندھی نے بنگلا دیش کو 3 وکٹوں سے تاریخی شکست دے دی۔

بنگلا دیش نے ویسٹ انڈیز کو جیت کے لیے 395 رنز کا ہدف دیا تھا جو مہمان ٹیم نے باآسانی 7 وکٹوں کے نقصان حاصل کر لیا۔

ہدف کے تعاقب میں ویسٹ انڈیز کی جانب سے پہلا ٹیسٹ کھیلنے والے کائل میئرز نے 210 رنز کی ناقابل شکست اننگز کھیل کر بازی پلٹ دی جبکہ نکرما بونر نے 86 رنز کی اننگز کھیل کر میئرز کا خوب ساتھ دیا۔

بنگلا دیش کی جانب سے دوسری اننگز میں مہدی حسن نے چار وکٹیں لیں جبکہ تیج السلام نے 2 اور نعیم الحسن نے ایک وکٹ لی۔

قبل ازیں بنگلا دیش نے ٹاس جیت کر پہلے بیٹنگ کا فیصلہ کیا تھا اور اپنی پہلی اننگز میں 430 رنز بنائے جبکہ دوسری اننگز 223 رنز 8 کھلاڑی آؤٹ پر ڈیکلیئر کر دی تھی۔

ویسٹ انڈیز کی ٹیم پہلی اننگز میں 259 رنز پر آل آؤٹ ہوئی تھی اور اس طرح انہیں جیت کے لیے 395 رنز کا ہدف ملا جو انہوں نے 7 وکٹوں کے نقصان پر پورا کر لیا۔

بشکریہ جنگ
You might also like

Comments are closed.