ورلڈ جونیئر ٹینس چیمپئن شپ اسلام آباد میں جاری

اسلام آباد میں پاکستان ٹینس فیڈریشن کے تحت ورلڈ جونیئر ٹینس چیمپئن شپ جاری ہے۔ ٹورنامنٹ میں شریک بین الاقوامی کھلاڑیوں کا کہنا ہے کہ پاکستان میں آکر کھیلنے سے بہت محضوظ ہو رہے ہیں۔

بین الاقوامی کھلاڑی پاکستان میں ٹینس کھیلنے کے لیے پہنچ گئے۔ روس برطانیہ ترکی امریکا سمیت 30 ممالک سے تعلق رکھنے والے کھلاڑی اسلام آباد میں جاری ورلڈ جونیئر ٹینس چیمپئن شپ 2021 میں حصہ لے رہے ہیں۔

کھلاڑیوں کا کہناہے کہ پاکستان آکر نہ صرف کھیل سے محظوظ ہورہے ہیں بلکہ اسلام آباد کا موسم بھی خوب انجوائے کر رہے ہیں۔

پاکستان ٹینس فیڈریشن کے تحت ورلڈ جونیئر ٹینس چیمپئن شپ 13 فروری تک جاری رہے گی جس میں لڑکے اور لڑکیوں کے سنگل اور ڈبل کیٹیگریز کے مقابلے کھیلیں جائیں گے۔

بشکریہ جنگ