جمعرات 8؍ شوال المکرم 1442ھ20؍مئی 2021ء

نیب نے مریم نواز کی کل ہونے والی پیشی ملتوی کردی

قومی احتساب بیورو (نیب) نے مسلم لیگ ن کی نائب صدر مریم نواز کی کل ہونے والی پیشی ملتوی کردی ہے۔ نیب نے مریم نواز کی پیشی ملتوی کرنے کے حوالے سے اعلامیہ جاری کردیا۔

‏اعلامیے کے مطابق نیب نے کورونا وائرس کی وجہ سے مریم نواز کی پیشی ملتوی کی ہے۔ نئی تاریخ کا اعلان بعد میں مناسب وقت پر کیا جائے گا۔

اعلامیہ کے مطابق قومی احتساب بیورو (نیب) میں آج ایک اعلیٰ سطح کا اجلاس ہوا، جس میں مریم نواز کی کل (26 مارچ) کو ہونے والی پیشی اور نیشنل کمانڈ اینڈ آپریشن سینٹر (NCOC) کی جانب سے ملک میں کورونا وائرس کی وباء کی تیسری لہر کے حوالے سے جاری حالیہ ہدایات کا بغور جائزہ لیا گیا۔

اجلاس میں بتایا گیا کہ این سی اوی کی جانب سے ہر نوعیت کے ہجوم اکٹھا کرنے پر پابندی عائد کی گئی ہے۔

مشیر داخلہ نے کہا کہ ان کے خاندان کی تاریخ اداروں پر حملے سے بھری پڑی ہے، جے ڈی ڈبلیو اور حمزہ شوگر ملز کے خلاف بھی کارروائی چل رہی ہے۔

بریفنگ میں بتایا گیا کہ مریم نواز کو اس سے قبل بھی پیشی کے لئے طلب کیا گیا تھا اور اس موقع پر نیب لاہور کی عمارت پر دانستہ شد ید پتھراؤ کا مظاہرہ کیا گیا، جو نیب کی تفتیش میں رکاوٹ ڈالنے کے مترادف ہے جبکہ ملزمان کیخلاف اس غیر قانونی برتاؤ کی ایف آئی آر بھی متعلقہ تھانہ میں درج ہے۔

مریم نواز نے اپنے بیان میں کہا کہ عوام نے ووٹ تو ڈالنا ہے،کیوں ڈرتے ہو عوام سے؟ کیوں ڈرتے ہو ووٹ سے؟ کیوں ڈرتے ہو یوم حساب سے؟اس لیےکہ عوام تم سےبیزار ہے۔

اعلامیہ میں کہا گیا ہے کہ این سی او سی کی ہدایات کو مد نظر رکھتے ہوئے اور مفاد عامہ کے پیش نظر نیب کی جانب سے یہ اصولی فیصلہ کیا گیا ہے کہ مریم نواز کی نیب لاہور میں کل کی پیشی ملتوی کر دی گئی ہے، تاہم نئی تاریخ کا اعلان بعد ازاں مناسب وقت پر کر دیا جائے گا۔

اس موقع پر نیب اجلاس میں انتظامی کو فی الفور تمام سکیورٹی اقدامات واپس ختم کرنے کی ہدایات جاری کرنے کا فیصلہ بھی کیا گیا ہے۔

بشکریہ جنگ
You might also like

Comments are closed.