منگل28رمضان المبارک 1442ھ 11؍مئی2021ء

محکمہ تعلیم سندھ میں ہزاروں اساتذہ کو بھرتی کرنے کا فیصلہ

کراچی: سندھ حکومت نے صوبے میں نئے اساتذہ بھرتی کرنے کا فیصلہ کیا ہے، جس کی صوبائی کابینہ نے منظوری بھی دے دی ہے۔

تفصیلات کے مطابق وزیر اعلی سندھ مراد علی شاہ کی زیر صدارت وزیراعلی ہاوس میں صوبائی کابینہ کا اجلاس ہوا جس میں فیصلہ کیا گیا کہ اساتذہ کی بھرتی یوسی اور تعلقہ کی سطح پر ہوگی جبکہ سینئر اساتذہ کی بھرتی ایس پی ایس سی کے ذریعہ کی جائے گی۔اس حوالے سے ذرائع کا کہنا ہے کہ نئی بھرتی پالیسی کو فائنل کرنے کیلئے3رکنی کمیٹی تشکیل دے دی گئی ہے جو نثار کھوڑو، سید سردار شاہ اور سعید غنی پر مشتمل ہوگی۔

میڈیا سے گفتگو کرتے ہوئے سندھ کے وزیر تعلیم سعید غنی نے بتایا کہ اساتذہ کی بھرتی مکمل میرٹ پر ہوگی اور اس سے قبل جو بھرتیاں کی گئیں وہ بھی میرٹ پر ہی تھیں۔گھوسٹ اساتذہ سے متعلق ایک سوال کے جواب میں ان کا کہنا تھا کہ ایسا کچھ نہیں ہے ہم نے ریکروٹمنٹ پالیسی کو مزید سخت کیا ہے اور عدالتوں میں چلنے والے کیسز میں ہمارے موقف کو سراہا گیا ہے۔انہوں نے کہا کہ حکومت بہترین تنخواہوں کی پیشکش کررہی ہے، لہذا بہترین اساتذہ یا اعلی تعلیم یافتہ اساتذہ کو مقرر کیا جائے گا اور اعلی تعلیم اور غیر معمولی اہلیت رکھنے والے امیدواروں کو ترجیح دی جائے گی۔واضح رہے کہ محکمہ اسکول ایجوکیشن میں پرائمری اساتذہ کی 30000 اور سیکنڈری اساتذہ کی 7000 آسامیاں خالی ہیں۔

The post محکمہ تعلیم سندھ میں ہزاروں اساتذہ کو بھرتی کرنے کا فیصلہ appeared first on Urdu News – Today News – Daily Jasarat News.

بشکریہ جسارت
You might also like

Comments are closed.