لاپتا افراد کے شناختی کارڈ اور اکاؤئنٹس بلاک کرنے کا حکم

سندھ ہائی کورٹ نے لاپتہ افراد کے قومی شناختی کارڈ اور بینک اکاؤنٹس بلاک کرنے کا حکم دے دیا۔

لاپتہ باپ بیٹے امین و الیاس اور شہری عادل خان کی بازیابی سے متعلق درخواستوں پر سندھ ہائی کورٹ نے ریمارکس دیئے کہ وفاقی حکومت نے لاپتہ افراد کی بازیابی سے متعلق صرف رونا دھونا مچایا ہوا ہے، کوئی عملی اقدامات نہیں کررہی۔

عدالت نے کہا کہ لاپتہ افراد کے معاملے پر وفاقی حکومت قانون سازی کے لئے خاموش ہے۔

عدالت میں رپورٹ پیش نہ کرنے پر جج نے وزارت داخلہ اور دفاع کے سیکریٹریز پر برہمی کا اظہار کیا۔

بشکریہ جنگ