شیری رحمان کا غریبوں کو کورونا ویکسین مفت فراہم کرنے کا مطالبہ

پاکستان پیپلز پارٹی کی سینیٹر شیری رحمان نے حکومت سے غریبوں کو کورونا ویکسین مفت فراہم کرنے کا مطالبہ کیا ہے۔

شیری رحمان نے کورونا وائرس ویکسین کی غیر منظم قیمتوں پر اظہار تشویش  کرتے ہوئے کہا  کہ ویکسین مافیا لوگوں کی زندگیوں سے کھیل کر پیسا بنارہا ہے۔

انہوں نے کہا کہ دیگر ممالک کے مقابلے میں یہاں ویکسین 160 فیصد مہنگی مل رہی ہے۔

سینیٹر شیری رحمان نے کہا کہ غربت اور مہنگائی کی وجہ سے نچلا طبقہ ویکسین نہیں خرید سکتا۔

انہوں نے کہا کہ تباہی سرکار نے اس عالمی بحران میں اپنی ذمہ داری پرائیویٹ اداروں کےسپرد کر دی۔

بشکریہ جنگ