بدھ4؍ رجب المرجب 1442ھ 17؍فروری 2021ء

سینیٹ انتخابات میں کرپشن روکنے کا طریقہ کار بنا لیا گیا

الیکشن کمیشن آف پاکستان نے سینیٹ الیکشن میں کرپشن اور کرپٹ پریکٹس روکنے کا طریقہ کار بنا لیا۔

ذرائع کا کہنا ہے کہ سینیٹ کے انتخابات کے سلسلے میں کسی بھی پارٹی کے سربراہ، امید وار اور ووٹر کو بیانِ حلفی دینا ہو گا۔

سپریم کورٹ آف پاکستان نے سینیٹ انتخابات سے متعلق صدارتی ریفرنس میں الیکشن کمیشن کی رپورٹ غیر تسلی بخش قرار دے دی۔

ذرائع نے تفصیل بتاتے ہوئے کہا ہے کہ پارٹی سربراہ کو بیانِ حلفی دینا ہوگا کہ امیدوار کے لیے ٹکٹ دینے میں کوئی پیسہ نہیں لیا گیا۔

سینیٹ کے امیدوار کو بھی بیانِ حلفی دینا ہوگا، جبکہ ارکانِ اسمبلی کو بھی بطور ووٹر بیانِ حلفی جمع کرانے کی تجویز ہے۔

ذرائع کا یہ بھی کہنا ہے کہ الیکشن کمیشن آف پاکستان کی یہ تجاویز سپریم کورٹ آف پاکستان میں پیش کی جائیں گی۔

بشکریہ جنگ
You might also like

Comments are closed.