جمعرات19؍ رجب المرجب 1442ھ4؍مارچ 2021ء

سلیم مانڈوی والا سمیت کئی PPP امیدواروں کے کاغذاتِ نامزدگی منظور

پاکستان پیپلز پارٹی کے سینیٹ کے امیدوار سلیم مانڈوی والا سمیت کئی دیگر امیدواروں کے کاغذاتِ نامزدگی منظور ہو گئے۔

وزیرِ اعلیٰ سندھ سید مراد علی شاہ دیگر پاکستان پیپلز پارٹی کے سینیٹ امیدواروں اور رہنماؤں کے ہمراہ آج صبح الیکشن کمیشن پہنچے۔

پاکستان پیپلز پارٹی سے تعلق رکھنے والے موجودہ ڈپٹی چیئرمین سینیٹ سلیم مانڈوی والا نے سینیٹ کے انتخابات کے سلسلے میں جنرل نشست پر کاغذاتِ نامزدگی جمع کرا دیئے۔

سینیٹ انتخابات کی اسکروٹنی کے لیے سلیم مانڈوی والا، شیری رحمٰن، تاج حیدر، ڈاکٹر کریم خواجہ، پلوشہ خان بھی الیکشن کمیشن پہنچے۔

وزیرِ اطلاعات سندھ ناصر حسین شاہ، صوبائی وزیر سعید غنی اور دیگر بھی وزیرِ اعلیٰ سندھ مراد علی شاہ کے ہمراہ تھے۔

ترجمان کے مطابق الیکشن کمیشن نے پیپلز پارٹی کے سلیم مانڈوی والا اور صادق میمن سمیت کئی رہنماؤں کے کاغذاتِ نامزدگی منظور کر لیئے۔

بشکریہ جنگ
You might also like

Comments are closed.