راجن پور: وین اور کار میں تصادم، 2 افراد جاں بحق، 10 زخمی

راجن پور میں انڈس ہائی وے پر مسافر وین اور کار آپس میں ٹکرا گئیں، حادثے کے نتیجے میں 2 افراد جاں بحق اور 10 زخمی ہو گئے۔

کراچی کے علاقوں نیو کراچی اور بلدیہ ٹاؤن میں ٹریفک حادثات میں 1 شخص جاں بحق ہو گیا، جبکہ1 ہی خاندان کے 4 افراد زخمی ہو گئے جن میں 3 خواتین بھی شامل ہیں۔

ریسکیو ذرائع کے مطابق حادثہ راجن پور میں انڈس ہائی وے روڈ پر فاضل پور کے قریب تیز رفتاری کے باعث پیش آیا۔

حادثے میں مسافر وین اور کار میں تصادم ہوا، حادثے میں کار میں سوار 2 افراد جاں بحق ہوئے جبکہ وین میں سوار 10 مسافر زخمی ہو گئے۔

زخمیوں کو ڈسٹرکٹ اسپتال راجن پور منتقل کر دیا گیا ہے، زخمیوں میں سے 2 کی حالت تشویش ناک ہے۔

ریسکیو ذرائع نے بتایا کہ حادثے کا شکار ہونے والی مسافر وین ملتان سے راجن پور آ رہی تھی۔

بشکریہ جنگ