خیبرپختونخوا: بارشوں سے درجنوں مکانات تباہ، ایک خاتون جاں بحق

خیبرپختونخوا میں بارشوں کے دوران حادثات میں ایک خاتون جاں بحق اور 6 افراد زخمی ہوگئے جبکہ درجنوں گھروں کو بھی نقصان پہنچا ہے۔

پشاور میں گل بہار کے مقام پربی آر ٹی اسٹیشن کے انڈر پاس کی چھت سےبارش کا پانی ٹپکنے لگا جبکہ بارش سے چارسدہ، ٹانک بھی متاثر ہوئے ہیں۔

اس کے علاوہ مانسہرہ مظفرآباد شاہراہ لینڈ سلائیڈنگ کے باعث لوہار گلی کےمقام سے بند ہوگئی اور لیپہ ریشیاں شاہراہ ریشیاں کے مقام سے بندہے۔

ادھر مری میں آندھی سے مکان کی چھت گرنے سے ایک شخص جاں بحق ہوگیا جبکہ شاہراہ قراقرم 3 مقامات پربند ہے۔

آزاد کشمیر کے مختلف علاقوں میں بھی بارش کے باعث لینڈ سلائیڈنگ ہوئی۔

بشکریہ جنگ