جمعرات19؍ رجب المرجب 1442ھ4؍مارچ 2021ء

حلیم عادل شیخ کے پروڈکشن آرڈر کی درخواست مسترد

الیکشن کمیشن آف پاکستان نے پاکستان تحریکِ انصاف (پی ٹی آئی) کے گرفتار رہنما اور سندھ اسمبلی میں اپوزیشن لیڈر حلیم عادل شیخ کے پروڈکشن آرڈر کی درخواست مسترد کر دی۔

کراچی کے علاقے ملیر میں گزشتہ روز ہونے والے ضمنی انتخاب کے دوران گرفتار کیئے گئے پاکستان تحریکِ انصاف (پی ٹی آئی) کے رہنما حلیم عادل شیخ اور دیگر ملزمان کو کراچی کی انسدادِ دہشت گردی کی عدالت نے 3 روزہ جسمانی ریمانڈ پر پولیس کے حوالے کر دیا۔

پاکستان تحریکِ انصاف (پی ٹی آئی) کی جانب سے حلیم عادل شیخ کے پروڈکشن آرڈر کے لیے درخواست الیکشن کمیشن میں دی گئی تھی۔

الیکشن کمیشن کے حکام کا کہنا ہے کہ حلیم عادل شیخ کو پروڈکشن آرڈر پر الیکشن کمیشن سندھ نہیں لایا جائے گا، حلیم عادل شیخ کی بطور تجویز کنندہ تصدیق ایس آئی یو میں ہی ہو گی۔

الیکشن کمیشن کے حکام کا یہ بھی کہنا ہے کہ پولنگ آفیسر ندیم حیدر حلیم عادل شیخ سے ملاقات کرنے تھانے جائیں گے۔

واضح رہے کہ پی ٹی آئی کے گرفتار رہنما حلیم عادل شیخ تحریکِ انصاف کی امیدوار ارم بٹ کے سینیٹ الیکشن کے لیے تجویز کنندہ ہیں۔

بشکریہ جنگ
You might also like

Comments are closed.