ہفتہ25؍رمضان المبارک 1442ھ 8؍ مئی 2021ء

حلیم عادل شیخ کی بیٹی کے ہمراہ تصویر وائرل

گزشتہ روز سندھ ہائیکورٹ سے ضمانت پر جناح اسپتال کراچی سے رہا ہونے والے پاکستان تحریک انصاف (پی ٹی آئی) کے رکن سندھ اسمبلی حلیم عادل شیخ کی بیٹی کے ساتھ تصویر سوشل میڈیا پر وائرل ہوگئی۔

اپوزیشن لیڈر حلیم عادل شیخ کی بیٹی عائشہ حلیم نے والد کی رہائی کے بعد مائیکرو بلاگنگ سائٹ ٹوئٹر پر موجود اپنے آفیشل اکاؤنٹ کی پروفائل پیکچر تبدیل کردی ہے۔

عائشہ حلیم نے اپنی نئی پروفائل پیکچر میں اپنے والد حلیم عادل شیخ کے ہمراہ اپنی تصویر لگائی ہے۔

حلیم عادل شیخ اور اُن کی بیٹی کی تصویر باپ بیٹی کے خوبصورت رشتے کی عکاسی کر رہی ہے۔

عائشہ حلیم نے والد کی رہائی پر اللّٰہ تعالیٰ کا شکریہ ادا کرتے ہوئے لکھا ’اللّٰہ تیرا شُکر۔‘

اُنہوں نے اپنے ٹوئٹ میں ہیش ٹیگ NewProfilePic کا بھی استعمال کیا۔

واضح رہے کہ گزشتہ روز اپوزیشن لیڈر سندھ اسمبلی حلیم عادل شیخ کو سندھ ہائیکورٹ سے ضمانت منظور ہونے پر رہا کیا گیا تھا۔

اپوزیشن لیڈر سندھ اسمبلی حلیم عادل شیخ کو رہا کردیا گیا، سندھ ہائیکورٹ سے ضمانت منظور ہونے پر حلیم عادل شیخ کو رہا کیا گیا۔

حلیم عادل شیخ کو جناح اسپتال سے جیل حکام نے رہا کیا، عادل شیخ حلیم گزشتہ ڈیڑھ ماہ سے دو مقدمات میں جیل میں تھے۔

اُن پر جلاؤ گھیراؤ، سرکاری کام میں مداخلت اور پولیس اہلکار کو زخمی کرنے کے مقدمات ہیں۔

اپوزیشن لیڈر پر انسداد دہشتگردی کی دفعات کے تحت مقدمہ درج ہوا، مقدمات میمن گوٹھ تھانے میں درج ہوئے۔

بشکریہ جنگ
You might also like

Comments are closed.