ہفتہ25؍رمضان المبارک 1442ھ 8؍ مئی 2021ء

ایران کا سیٹلائٹ لے جانے والے راکٹ ذوالجناح کا کامیاب تجربہ

تہران: ایران نے مصنوعی سیارہ سے لے جانے والے راکٹ کا مدار کے نیچے کا تجربہ مکمل کرلیا ہے جب کہ ٹیسٹ کے بعد ذوالجناح راکٹ ایک مصنوعی سیارہ کو مدار میں چھوڑے گا۔

ایرانی میڈیا کے مطابق ایران کے وزارت دفاع اور مسلح افواج کی رسد کی وزارت نے دعوی کیا ہے کہ ایران نے مصنوعی سیارہ لے جانے والے راکٹ ذوالجناح کا مدار کے نیچے کا تجربہ مکمل کرلیا ہے۔ ایران کے سرکاری ٹیلی ویژن نے ایک صحرا میں داغے جانے والے راکٹ کی فوٹیجز نشر کی تھیں تاہم یہ واضح نہیں ہے کہ یہ لانچ کب اور کہاں کی گئی ہے تاہم مہیا کی گئی تفصیلات کے مطابق یہ راکٹ 220 کلوگرام وزنی مصنوعی سیارے کو 500 کلومیٹر تک لے جاسکتا ہے۔

اس حوالے سے وزارت دفاع کے ترجمان احمد حسینی نے بتایا ملک کے خلائی میدان میں پہلی بار ہائبرڈ ذوالجناح سیٹیلائٹ کیریئر تیار کرلیا گیا ہے۔ اس راکٹ کا نام ذوالجناح رکھا گیا ہے۔ سیٹلائٹ کیریئر اپنے آغاز کے پہلے دو مراحل میں ٹھوس ایندھن اور تیسرے میں مائع ایندھن کا استعمال کرتا ہے۔ ترجمان کا مزید کہنا تھا کہ ذوالجناح اپنے ٹیسٹ لانچوں کو حتمی شکل دینے کے بعد آپریشنل سیٹلائٹ کو مدار میں رکھ سکے گی، اور اسے موبائل لانچنگ پیڈ سے لانچ کیا جاسکتا ہے۔ ترجمان احمد حسینی نے ایک سوال کے جواب میں واضح کیا کہ ایٹمی پروگرام کی طرح اس کے سیٹلائٹ پروگرام کا مقصد بھی پرامن ہے۔

قبل ازیں امریکا اور دیگر مغربی طاقتیں طویل عرصے سے ان شکوک و شبہات کا اظہار کرتے آئے ہیں کہ ایران ان ٹیکنالوجی کی مدد سے عسکری استعداد میں اضاہ کر رہا ہے۔ واضح رہے کہ اپریل 2020 میں ایران کے اسلامی انقلابی گارڈ کور نے دو ناکام لانچوں اور لانچ پیڈ راکٹ دھماکے کے بعد ملک کا پہلا بحری جنگی سیٹلائٹ نور کامیابی کے ساتھ لانچ کیا تھا۔

The post ایران کا سیٹلائٹ لے جانے والے راکٹ ذوالجناح کا کامیاب تجربہ appeared first on Urdu News – Today News – Daily Jasarat News.

بشکریہ جسارت
You might also like

Comments are closed.