آرمی چیف جنرل قمر جاوید باجوہ سے ایئر چیف مارشل مجاہد انور کی الوداعی ملاقات

آرمی چیف جنرل قمر جاوید باجوہ سے سربراہ پاک فضائیہ ایئرچیف مارشل مجاہد انور نے الوداعی ملاقات کی ہے۔

آئی ایس پی آر کے مطابق دوران ملاقات آرمی چیف نے سربراہ پاک فضائیہ کی قوم کے لیے خدمات پر اُن کا شکریہ ادا کیا۔

آرمی چیف نے آپریشن سوئفٹ ریٹارٹ میں ایئر چیف کی متحرک قیادت اور پیشہ ورانہ مہارت کو سراہا۔

جنرل قمر جاوید باجوہ نے ایئرچیف مارشل مجاہد انور کی دہشت گردی کے خلاف جنگ میں اہم معاونت کو سراہا۔

انہوں نے مزید کہا کہ سربراہ پاک فضائیہ کی کوششوں اور قیادت کی وجہ سے پاک فضائیہ کا آج کوئی ثانی نہیں۔

اس موقع پر چیف آف ایئر اسٹاف کو جنرل ہیڈ کوارٹر (جی ایچ کیو) پہنچنے پر گارڈ آف آنر پیش کیا گیا۔

بشکریہ جنگ