پیر 2 رجب المرجب 1442ھ 15؍ فروری2021ء

آئی سی سی انٹرنیشنل کرکٹ میں زاہد محمود کی شاندار انٹری کا معترف

قذافی اسٹیڈیم لاہور میں جنوبی افریقا کے خلاف تیسرے ٹی ٹوئنٹی میچ میں پاکستان کی جانب سے انٹرنیشنل کرکٹ میں ڈیبیو کرنے والے زاہد محمود کی شاندار پرفارمنس کی انٹرنیشنل کرکٹ کونسل (آئی سی سی) نے بھی تعریف کردی ہے۔

آئی سی سی نے ٹوئٹر پر زاہد محمود کے باؤلنگ اسپل کی ویڈیو شیئر کرتے ہوئے کہا کہ زاہد محمود نے انٹرنیشنل کرکٹ میں شاندار انٹری دی ہے۔

تیسرے ٹی20 میں ڈیبیو کرنے والے زاہد محمود نے میچ میں 3 وکٹیں حاصل کی ہیں۔

زاہد محمود نے پہلے ہی اوورز میں جنوبی افریقا کے 2 بیٹسمینوں کو پویلین کی راہ دکھائی اور قومی ٹیم کی پوزیشن مستحکم کی اور چار اوورز میں 40رنز دے کر تین وکٹیں حاصل کیں۔

پاکستان کرکٹ بورڈ (پی سی بی) کی جانب سے شیئر کی گئی ویڈیو میں نعمان علی نے ٹیسٹ کیپ ملنے پر خوشی کا اظہار کیا۔

میچ کے بعد گفتگو کرتے ہوئے زاہد محمود نے اپنے کیرئیر کے پہلے ہی میچ میں شاندار باؤلنگ کے حوالے سے کہا کہ اللہ کا شکر ہے کہ پہلے اوور میں ہی کامیابی ملی ،آج میرا پہلا میچ تھا تو ذہن میں صرف یہ ہی تھا کہ اپنی لائن لینتھ پر ویری ایشن کے ساتھ باؤلنگ کرنی ہے، اس پلان پر عمل کیا اور اللہ نے کامیابی دی ۔

بشکریہ جنگ
You might also like

Comments are closed.