اتواریکم رجب المرجب 1442ھ 14؍ فروری2021ء

افغانستان: UN مشن پر حملہ، افغان پروٹیکشن سروس کے 5 اہلکار ہلاک

افغانستان میں کابل جلال آباد شاہراہ پر سڑک کنارے نصب بم کے دھماکے میں افغان پروٹیکشن سروس ڈائریکٹوریٹ کے 5 اہلکار ہلاک ہو گئے۔

افغان میڈیا کے مطابق کابل جلال آباد ہائی وے پر سڑک کنارے نصب بم دھماکا گذشتہ رات ہوا۔

دہشت گردی کے واقعے میں اقوام متحدہ (یو این) کے امدادی مشن کے قافلے میں شامل افغان سیکیورٹی فورسز کی گاڑی بم دھماکے کا نشانہ بنی۔

یو این اے ایم اے کا کہنا ہے کہ واقعے میں یو این امدادی مشن کا کوئی اہلکار زخمی نہیں ہوا۔

یو این امدادی مشن کا یہ بھی کہنا ہے کہ افغانستان پروٹیکشن سروس ڈائریکٹوریٹ کے 5 اہلکاروں کی ہلاکت پر افسوس ہے۔

بشکریہ جنگ
You might also like

Comments are closed.