افغانستان کے ہمسایہ ممالک کے وزرائے خارجہ کا اجلاس کل ایران میں ہوگا

افغانستان کے ہمسایہ ممالک کے وزرائے خارجہ کا اجلاس کل ایران میں ہوگا، اجلاس کا افتتاح ایرانی صدر ابراہیم رئیسی کریں گے۔

ترجمان ایرانی وزارت خارجہ سعید خطیب زادہ کا کہنا ہے کہ اجلاس میں پاکستان، ازبکستان، ترکمانستان اور تاجکستان کے وزراء خارجہ شرکت کریں گے، جب کہ روس اور چین کے وزرائے خارجہ اس اجلاس ميں آن لائن شریک ہوں گے۔

اقوام متحدہ کے سیکریٹری جنرل انتونیو گوتریس کا کہنا ہے کہ افغانستان میں دنیا کے بڑے انسانی بحران کا سامنا ہے موسم سرما سے قبل جان بچانے والی امداد پہنچانے کی کوشش کر رہے ہیں، دنیا افغانستان میں مدد کے منتظر افراد کیلئے اقدامات لے اور فنڈنگ کرے۔

اجلاس میں ہمسایہ ممالک کی طرف سے متفقہ بیان تک پہنچنے کی کوشش کی جائے گی۔

ایران افغانستان میں پائیدار امن و استحکام کے لئے اپنا کردار ادا کرتا رہے گا۔

بشکریہ جنگ