پیر27رمضان المبارک 1442ھ 10؍مئی2021ء

اسرائیل نے نئی دہلی دھماکے کو دہشت گردی قرار دے دیا

اسرائیلی حکام نے بھارتی دارالحکومت نئی دلی میں اپنے سفارتخانے کے قریب دھماکے کو دہشت گردی قرار دے دیا۔

اسرائیلی وزارت خارجہ نے جاری بیان میں کہا ہے کہ نئی دلی میں اسرائیلی سفارتخانے کے قریب ہونے والے دھماکے میں جانی نقصان نہیں ہوا، اور عمارت بھی محفوظ رہی۔

بھارتی حکام واقعےکی تحقیقات کیلئے متعلقہ اسرائیلی حکام سے رابطےمیں ہیں۔

حکام کا مزید کہنا ہے کہ اسرائیلی سفارتخانے کے قریب دھماکا دہشت گردی ہے۔

بھارتی دارالحکومت نئی دہلی میں اسرائیلی سفارتخانے کے قریب دھماکے کے نتیجے میں اسرائیلی سفارتخانے کے قریب کھڑی 4 سے 5 گاڑیوں کے شیشے ٹوٹ گئے۔

بھارتی میڈیا کے مطابق دھماکے کی نوعیت کے بارے میں معلومات لی جارہی ہے، تاہم دھماکے میں تاحال کسی جانی نقصان کی اطلاع نہیں ملی ہے۔

بھارتی اخبار انڈیا ٹوڈے کے مطابق ہلکی شدت کا دھماکا بھارت اسرائیل تعلقات کی 29 ویں سالگرہ کے موقع پر کیا گیا۔

بشکریہ جنگ
You might also like

Comments are closed.