اسد مجید نے اسنادِ سفارت یورپین کمیشن میں پیش کر دیں

یورپین یونین، بیلجیئم اور لکسمبرگ کے لیے پاکستانی سفیر ڈاکٹر اسد مجید خان نے یورپین کمیشن میں اپنی اسنادِ سفارت باقاعدہ طور پر پیش کر دیں۔

یورپین کمیشن کی جانب سے پاکستانی سفیر کی اسناد یورپین کمیشن کی چیف آف پروٹوکول مس پرنیلا سجولین نے وصول کیں۔

اس موقع پر پاکستانی سفیر ڈاکٹر اسد مجید خان نے کہا کہ وہ یورپین یونین کے ساتھ تعاون کے تمام شعبوں میں پاکستان کی شراکت داری کو مزید مضبوط بنانے کے لیے مل کر کام کرنے کے منتظر ہیں۔

بشکریہ جنگ