یوکرین کی فوجی و مالی مدد کر رہے ہیں، فوج نہیں بھیجیں گے، نیٹو چیف

نیٹو کے سربراہ جینز اسٹالٹن برگ نے روس سے مطالبہ کیا ہے کہ وہ یوکرین میں جنگ کا خاتمہ کرے اور اپنی فوج کو وہاں سے نکالے۔

نیٹو چیف نے کہا کہ ہم اپنے اتحادی یوکرین کی فوجی و مالی مدد کے ساتھ ساتھ اس کی انسانی امداد کی بھی حمایت کر رہے ہیں، تاہم ان کا کہنا تھا کہ نیٹو اتحاد اپنی فوج کیف نہیں بھیجے گا۔

اسٹالٹن برگ نے کہا کہ نیٹو تنازع کا حصہ نہیں بنے گا، اس لیے یوکرین میں اپنی فوج اور لڑاکا طیارے نہیں بھیجے گا۔

نیٹو چیف نے کہا کہ نیٹو ایک دفاعی اتحاد ہے جو روس کے ساتھ تصادم نہیں چاہتا۔

بشکریہ جنگ