سی اے اے ہیڈ کوارٹر میں کار پارکنگ کا شیڈ گرگیا

سول ایوی ایشن اتھارٹی ہیڈ کوارٹر میں گاڑیوں کی پارکنگ کے ایک حصے کا شیڈ گر گیا، کوئی جانی نقصان نہیں ہوا۔

ذرائع کے مطابق بھاری بھرکم پارکنگ شیڈ گرنے سے کئی ملازمین بال بال بچ گئے، پارکنگ شیڈ گرا تو خوش قسمتی سے نیچے کوئی گاڑی کھڑی نہیں تھی ۔

سی اے اے ذرائع کا کہنا ہے کہ پارکنگ شیڈ ضروری مرمت اور دیکھ بھال نہ ہونے کے باعث زنگ لگنے سے خستہ ہوگیا تھا۔

ذرائع کا بتانا ہے کہ گاڑیوں کی پارکنگ شیڈ کا بقیہ حصہ بھی خستہ حال ہے کسی بھی وقت گرسکتا ہے۔

واضح رہے کہ اس پارکنگ شیڈ میں سی اے اے ملازمین کی گاڑیاں پارک کی جاتی ہیں۔

بشکریہ جنگ