لاہور: لڑکی سے زیادتی کی کوشش پر 2 افراد کیخلاف مقدمہ درج، 1 گرفتار

لاہور کے علاقے گلبرگ کی پولیس نے لڑکی سے زیادتی کی کوشش کا مقدمہ درج کرلیا۔

لڑکی نے ایف آئی آر کے متن میں درج کروایا کہ فیزوز پور روڈ پر راستہ بھول گئی تھی، 2 افراد راستہ بتانے کا جھانسہ دے کر اندھیرے میں لے گئے۔

ایف آئی آر کے متن کے مطابق دونوں افراد نے مجھ سے زیادتی کی کوشش کی تو شور مچادیا، جس پر بھائی اور والد نے مجھے بچایا۔

پولیس کے مطابق لڑکی نے مقدمے میں 2 افراد کو نامزد کیا اور زیادتی کی کوشش کرنے والے کا پورا پتہ بھی لکھوایا ہے۔

پولیس کے مطابق ایک ملزم کو حراست میں لے کر تفتیش شروع کردی گئی ہے اور متاثرہ لڑکی کا طبی معائنہ بھی کروالیا ہے۔

پولیس کے مطابق لڑکی نے مقدمے میں پہلے راستہ بھولنے، پھر بھائی اور والد کے بچانے کا بتایا۔

بشکریہ جنگ