15 سال پرانے ٹیکس ریٹرنز کے جعلی واؤچر بنانے کے کیس کا فیصلہ جاری
لاہور کی احتساب عدالت نے 15 سال پرانے ٹیکس ریٹرنز کے جعلی واؤچر بنانے کے کیس کا فیصلہ سنا دیا۔
عدالت نے جرم ثابت ہونے پر ٹیکس ڈپارٹمنٹ کے تین افراد کو سات، سات سال کی سزا سنادی جبکہ چار ملزمان کو بری کر دیا۔
عدالت نے ملزم حبیب الرحمان، عارف پرویز، محمود الحسن کو سات، سات سال قید کی سزا سنائی، جبکہ وارث علی، محمد حسین، افتخار علی اور فیض الرحمان کو بری کیا۔
ملزمان کیخلاف نیب نے 2007 میں ریفرنس دائر کیا تھا، ملزمان پر الزام تھا کہ انہوں نے ٹیکس ریٹرنز کے جعلی واؤچر بناکر قومی خزانے کو نقصان پہنچایا۔
بشکریہ جنگ
Comments are closed.