ایم کیو ایم کے عامر خان کے کاغذات نامزدگی جمع

کراچی میں سینیٹ الیکشن کے لئے کاغذات نامزدگی جمع کرانے کے آخری روز ایم کیو ایم پاکستان کے عامر خان کے وکیل نے ان کے کاغذات نامزدگی جمع کرادیئے ہیں۔

پاکستان تحریک انصاف سینٹرل پنجاب کے صدر اعجاز چوہدری اور سید محمد علی بخاری نے آج آخری روز سینیٹ الیکشن میں جنرل نشست پر نامزدگی کیلئے کاغذات جمع کرا دیے۔

سینیٹ الیکشن کیلئے ایم کیو ایم کے اب تک 11 اراکین اور حکومتی جماعت پی ٹی آئی کے 9 اراکین نے کاغذات نامزدگی جمع کرائے ہیں۔

سینیٹ الیکشن کیلئے کاغذات نامزدگی جمع کرانے کا آج آخری روز ہے، پنجاب اور خیبر پختوانخوا سے سینیٹ انتخابات کے لئے کاغذات جمع کرائے جارہے ہیں۔

دوسری جانب حکومتی اتحادی جماعت جی ڈی اے کے پیر صدر الدین شاہ راشدی نے بھی کاغذات نامزد جمع کرائے ہیں۔

بشکریہ جنگ