پاکستان میں پولیو کیس رپورٹ نہ ہونے پر یورپی یونین کا اظہار مسرت

پاکستان میں یورپین یونین کی سفیر اندرولا کامینارا نے پاکستان میں گذشتہ سال کے دوران پولیو کا ایک کیس بھی سامنے نہ آنے پر انتہائی خوشی کا اظہار کرتے ہوئے اسے بڑی کامیابی قرار دیا ہے۔

وزیراعظم کے مشیر برائے صحت فیصل سلطان کی جانب سے دی گئی اس اطلاع پر خوشی کا اظہار کرتے ہوئے انہوں نے ٹوئٹ کیا اور اپنے پیغام میں کہا کہ پاکستان میں ایک سال کے دوران پولیو کے زیرو کیسز ایک بہت بڑی کامیابی ہے۔

اندرولا کامینارا نے اس کامیابی پر مبارکباد دیتے ہوئے امید ظاہرکی کہ یہ ٹریک ریکارڈ برقرار رہے گا۔

بشکریہ جنگ