بلدیاتی قانون کےخلاف جماعت اسلامی کا کل کراچی کے 5 مقامات پر دھرنوں کا اعلان

سندھ کے متنازع بلدیاتی قانون کے خلاف جماعت اسلامی نے جمعے کو کراچی کے پانچ مقامات پر دھرنا دینے کا اعلان کیا ہے، سندھ اسمبلی کے سامنے دھرنے کو آج 28 دن مکمل ہوچکے ہیں۔

 امیر جماعت اسلامی کراچی حافظ نعیم الرحمن کا کہنا ہے کہ 2021 کا بلدیاتی ایکٹ کسی صورت منظور نہیں ہے۔

حافظ نعیم الرحمان نے کہا کہ کل سپر ہائی وے، نیشنل ہائی وے، ماڑی پور، لسبیلہ اور شاہراہ فیصل پر دھرنے دیے جائیں گے۔

بشکریہ جنگ