پی ایس ایل 7: غیر ملکی کرکٹرز کی پاکستان آمد کا سلسلہ جاری

پاکستان سُپر لیگ (پی ایس ایل) کے سیزن سیون میں شامل غیر ملکی کرکٹرز کے پاکستان آنے کا سلسلہ جاری ہے۔

کوئٹہ گلیڈی ایٹرز کے بین ڈکیٹ اور بین لارنس پی ایس ایل کیلئے کراچی پہنچ گئے ہیں، دونوں کھلاڑی تین روزہ آئیسولیشن اور دو پی سی آر ٹیسٹ کے بعد ٹیم کو دستیاب ہوں گے۔

پاکستان میں کرکٹ کے سب سے بڑے میلے کا انعقاد دو روز بعد ہونے جارہا ہے، اس سلسلے میں پی ایس ایل ترانے کو گزشتہ روز ریلیز کیا گیا۔

دوسری جانب پشاور زلمی میں شامل آسٹریلین آل راؤنڈر بین کٹنگ کراچی پہنچے ہیں، آئرلینڈ کے پال اسٹرلنگ اور جنوبی افریقا کے مرچنٹ ڈی لنگا کراچی پہنچے ہیں، دونوں کرکٹرز پی ایس ایل میں اسلام آباد یونائٹیڈ کی نمائندگی کریں گے۔

لازمی آئسولیشن اور دو نیگیٹو رزلٹ کی صورت میں دونوں پلیئرز 28 جنوری کے بعد سے دستیاب ہوں گے۔

انگلینڈ کے ایلکس ہیلز بدھ اور جمعرات کی درمیانی شب شہرِ قائد پہنچیں گے۔

یاد رہے کہ پی ایس ایل سیون کا آغاز 27 جنوری سے ہوگا جو 27 فروری تک جاری رہے گا۔

ایونٹ کے میچز کراچی اور لاہور میں ہوں گے، کراچی میں 15 جبکہ لاہور میں 19 میچز کھیلے جائیں گے۔

بشکریہ جنگ