کوہلی کو کپتانی چھوڑنے پر مجبور کیا گیا: شعیب اختر

بھارتی کرکٹر ویرات کوہلی کے ٹیسٹ کرکٹ ٹیم کی کپتانی چھوڑنے کے اچانک فیصلے پر ردعمل دیتے ہوئے پاکستان کے لیجنڈری سابق فاسٹ بولر شعیب اختر نے انکشاف کیا کہ کوہلی کو کپتانی چھوڑنے پر مجبور کیا گیا تھا۔

میڈیا سے گفتگو کرتے ہوئے شعیب اختر نے کہا کہ ویرات کوہلی نے خود کپتانی کا عہدہ نہیں چھوڑا بلکہ انہیں ایسا کرنے پر مجبور کیا گیا۔‘

شعیب اختر نے کہا کہ ویرات کوہلی ایک عظیم بلے باز ہیں اور انہوں نے دنیا میں کسی سے بھی زیادہ کامیابیاں حاصل کی ہیں۔‘

اُنہوں نے ویرات کوہلی کو مشورہ دیتے ہوئے کہا کہ ’کوہلی کو کرکٹ کے میدان میں اپنے قدرتی بہاؤ کے ساتھ کھیلنے کی ضرورت ہے۔‘

سابق بھارتی کرکٹر سنیل گواسکر نے جنوبی افریقا کے خلاف ٹیسٹ میچ میں کپتان ویرات کوہلی سمیت دیگر کھلاڑیوں کے نامناسب رویے پر شدید برہمی کا اظہار کیا ہے۔

سابق فاسٹ بولر نے یہ بھی کہا کہ ’میرے خیال میں جب فارم آؤٹ ہوتا ہے تو، نیچے والے کھلاڑی عام طور پر سب سے پہلے مشکل میں پڑتے ہیں۔‘

شعیب اختر نے سابق بھارتی کپتان ویرات کوہلی کو مشورہ دیا کہ ’سب کو معاف کر دیں اور آگے بڑھتے رہیں۔‘

اگلے بھارتی ٹیسٹ کپتان کے بارے میں سوال کے جواب میں شعیب اختر نے کہا کہ ’میں جانتا ہوں کہ بی سی سی آئی اس بارے میں ہوشیار فیصلہ کرے گا۔‘

واضح رہے کہ بھارت کے اسٹار بلے باز ویرات کوہلی نے 15 جنوری کو جنوبی افریقا میں ٹیسٹ سیریز ہارنے کے ایک دن بعد ہی ٹیسٹ ٹیم کی کپتانی سے دستبردار ہونے کا اعلان کیا تھا۔

بھارتی ٹیسٹ کرکٹ ٹیم کے کپتان ویرات کوہلی نے جنوبی افریقا کے خلاف ٹیسٹ میچ میں اپنے اور ساتھی کھلاڑیوں کے آن فیلڈ رویے پر تبصرہ کرتے ہوئے کہا ہے کہ اُنہیں تنازعہ کھڑا کرنے میں کوئی دلچسپی نہیں اور گراؤنڈ کے باہر موجود لوگ صحیح تفصیلات نہیں جانتے ہیں۔

گزشتہ سال کوہلی نے ٹی ٹوئنٹی کی کپتانی سے استعفیٰ دے دیا تھا اور پھر انہیں ون ڈے کی کپتان سے بھی ہٹا دیا گیا تھا۔

بشکریہ جنگ