پی پی کا لانگ مارچ کامیاب ہوگا اور رزلٹ بھی ملے گا، قائم علی شاہ

سابق وزیراعلیٰ سندھ سید قائم علی شاہ نے کہا ہے کہ پیپلز پارٹی کا 27 فروری سے شروع ہونے والا لانگ مارچ کامیاب ہوگا۔

حیدر آباد میں میڈیا سے گفتگو میں سید قائم علی شاہ نے کہا کہ پیپلز پارٹی 27 فروری کو کراچی سے پنجاب تک لانگ مارچ کرے گی۔

انہوں نے کہا کہ ہر پریشانی کا سبب وفاقی حکومت ہے، پی پی کالانگ مارچ کامیاب ہوگا اور رزلٹ ملے گا۔

سندھ حکومت کے ترجمان اور ایڈمنسٹریٹر کراچی مرتضیٰ وہاب نے کہا ہے کہ جماعت اسلامی بلدیاتی قانون کے خلاف پروپیگنڈا کررہی ہے،یہ ساری سیاست کم بیک کرنے کےلیے ہی ہے۔

صحافی نے سابق وزیراعلیٰ سندھ سے سوال کیا کہ کیا وفاقی حکومت کے خلاف پی پی اور پی ڈی ایم ایک پیج پر آسکتے ہیں؟

اس کے جواب میں قائم علی شاہ نے کہا کہ سیاست میں کچھ بھی حتمی نہیں ہوتا۔

بشکریہ جنگ