خیبرپختونخوا سُپر ہاکی لیگ: رانا وحید نے ہیٹ ٹرک سمیت 4 گول کیے
خیبرپختونخوا سُپر ہاکی لیگ میں ٹرائبل لائنز نے ڈی آئی خان کو 4 کے مقابلے میں 7 گول سے شکست دے دی۔
ایونٹ میں آج کھیلے گئے دوسرے میچ میں کوہاٹ ایگل نے مردان بیئرز کو 0-2 سے مات دی۔
ملاکنڈ ٹائیگرز اور ہزارہ واریئرز کے درمیان میچ 2، 2 گول سے برابر ہوگیا، میچز جیو سوپر سے براہ راست نشر کیے گئے۔
عبدالولی خان اسپورٹس کمپلیکس میں جاری ایونٹ کے میچ میں ٹرائبل لائنز نے ڈیرہ اسماعیل خان کو4-7 سے آؤٹ کلاس کیا۔
فاتح ٹیم کی جانب سے رانا وحید نے ہیٹ ٹرک سمیت 4 گول اسکور کیے، دیگر گول حما د انجم، عثمان اور عدیل نے کیے۔
ڈ ی آئی خان کے گول اعجاز احمد، محسن حسن، عمیر ستار اور امجد علی نے کیے۔
ایک اور میچ میں کوہاٹ ایگل نے مردان بیئرز کو دو-صفر سے شکست دی، کوہاٹ ایگل کے گول حمید اللّٰہ اور ارباز نے بنائے۔
مالا کنڈ ٹائیگرز اور ہزارہ واریئرز کے درمیان میچ دو، دو گول سے برابر رہا ۔
Comments are closed.