قیادت میں اختلافات کی خبریں بے بنیاد ہیں: طالبان رہنما انس حقانی

افغانستان پر کنٹرول حاصل کرنے کے بعد حکومت قائم کرنے والے طالبان کے رہنما انس حقانی کا کہنا ہے کہ امارت اسلامی کی قیادت میں اختلافات کی خبریں بے بنیاد ہیں۔

افغانستان کے دارالحکومت کابل کے ایک پل تلے گزشتہ کئی سالوں سے ہزاروں منشیات کے عادی افراد ڈیرے لگائے ہوئے ہیں، طالبان حکومت کے لیے منشیات سے ان شہریوں کی جان چھڑانا ایک بڑا چیلنج ہو گا۔

افغانستان کے دارالحکومت کابل سے جاری کیئے گئے ایک بیان میں طالبان رہنما انس حقانی نے یہ بات کہی ہے۔

انہوں نے کہا ہے کہ امارتِ اسلامی کے خلاف تمام افواہیں پروپیگنڈا ہیں، دشمنوں کا مذموم پروپیگنڈا اس اتحاد کو کوئی نقصان نہیں پہنچا سکتا۔

افغانستان کو کنٹرول میں لینے کے بعد وہاں اپنی حکومت قائم کرنے والے طالبان کی جانب سے پنج شیر میں انسانی حقوق کی خلاف ورزی اور جنگی جرائم کی تردید کی گئی ہے۔

انس حقانی کا مزید کہنا ہےکہ امارتِ اسلامی متحدہے، جو اسلامی اور افغان اقدار کا احترام کرتی ہے۔

طالبان رہنما نے یہ بھی کہا ہے کہ ہم افغانستان میں امن، استحکام اور خوش حالی لانے کے لیے متحد ہیں۔

بشکریہ جنگ