تاریخ میں پہلی بار ایک دن میں اسکردو ایئرپورٹ پر 6 شیڈول پروازوں کی لینڈنگ

پاکستان کی تاریخ میں پہلی بار ایک دن میں اسکردو ایئرپورٹ پر 6 شیڈول پروازوں کی لینڈنگ کی گئی۔

ذرائع کے مطابق آج 2 پروازیں کراچی، ایک لاہور، ایک اسلام آباد، ایک سیالکوٹ اور ایک فیصل آباد سے اسکردو ایئرپورٹ پہنچیں۔

ذرائع کا کہنا ہے کہ گزشتہ سال اسکردو ایئرپورٹ پر ہفتے میں 3 پروازیں آتی تھیں جبکہ گرمیوں میں ہفتہ وار 6 پروازیں آتی تھیں۔

ذرائع نے مزید کہا کہ اسکردو ایئرپورٹ کی توسیع کا کام تکمیل کے مراحل میں ہے اور رواں سال اسکردو سے انٹرنیشنل پروازیں بھی شروع کردی جائیں گی۔

بشکریہ جنگ